سورۂ اللَّيۡلِ

وَٱلَّيۡلِ إِذَا يَغۡشَىٰ ١

قَسم ہے رات کی جب کہ وہ (دن کو) ڈھانپ لے۔

وَٱلنَّهَارِ إِذَا تَجَلَّىٰ ٢

اور قَسم ہے دن کی جب کہ وہ روشن ہو جائے۔

وَمَا خَلَقَ ٱلذَّكَرَ وَٱلۡأُنثَىٰٓ ٣

اور اس ذات کی قَسم جس نے نر اور مادہ کو پیدا کیا۔

إِنَّ سَعۡيَكُمۡ لَشَتَّىٰ ٤

یقیناً تمہاری کوششیں مختلف قِسم کی ہیں۔

فَأَمَّا مَنۡ أَعۡطَىٰ وَٱتَّقَىٰ ٥

تو جس نے (راہِ خدا میں) مال دیا اور پرہیزگاری اختیار کی۔

وَصَدَّقَ بِٱلۡحُسۡنَىٰ ٦

اور اچھی بات (اسلام) کی تصدیق کی۔

فَسَنُيَسِّرُهُۥ لِلۡيُسۡرَىٰ ٧

تو ہم اسے آسان راستہ کیلئے سہو لت دیں گے۔

وَأَمَّا مَنۢ بَخِلَ وَٱسۡتَغۡنَىٰ ٨

اور جس نے بُخل کیا اور (خدا سے) بےپرواہی کی۔

وَكَذَّبَ بِٱلۡحُسۡنَىٰ ٩

اور اچھی بات کو جھٹلایا۔

فَسَنُيَسِّرُهُۥ لِلۡعُسۡرَىٰ ١٠

تو ہم اسے سخت راستے کی سہولت دیں گے۔

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ ١١

اور اس کا مال اسے کوئی فائدہ نہ دے گا جب وہ (ہلاکت کے) گڑھے میں گرے گا۔

إِنَّ عَلَيۡنَا لَلۡهُدَىٰ ١٢

بےشک راہ دکھانا ہمارے ذمہ ہے۔

وَإِنَّ لَنَا لَلۡأٓخِرَةَ وَٱلۡأُولَىٰ ١٣

اور بےشک آخرت اور دنیا ہمارے ہی قبضہ میں ہیں۔

فَأَنذَرۡتُكُمۡ نَارٗا تَلَظَّىٰ ١٤

سو میں نے تمہیں بھڑکتی ہوئی آگ سے ڈرایا ہے۔

لَا يَصۡلَىٰهَآ إِلَّا ٱلۡأَشۡقَى ١٥

اس میں وہ داخل ہوگا(اور جلے گا) جو بڑا بدبخت ہوگا۔

ٱلَّذِي كَذَّبَ وَتَوَلَّىٰ ١٦

جس نے جھٹلایا اور رُوگردانی کی۔

وَسَيُجَنَّبُهَا ٱلۡأَتۡقَى ١٧

اور جو بڑا پرہیزگار ہوگا وہ اس سے دور رکھا جائے گا۔

ٱلَّذِي يُؤۡتِي مَالَهُۥ يَتَزَكَّىٰ ١٨

جو پاکیزگی حاصل کرنے کیلئے اپنا مال دیتا ہے۔

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ ١٩

اور اس پر کسی کا کوئی احسان نہیں ہے جس کا بدلہ دیا جائے۔

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ ٢٠

بلکہ وہ تو صرف اپنے بالا و برتر پروردگار کی خوشنودی چاہتا ہے۔

وَلَسَوۡفَ يَرۡضَىٰ ٢١

اور عنقریب وہ اس سے ضرور خوش ہوجائے گا۔