سورۂ الضُّحَىٰ

وَٱلضُّحَىٰ ١

قَسم ہے روزِ روشن کی۔

وَٱلَّيۡلِ إِذَا سَجَىٰ ٢

اور رات کی جب کہ وہ آرام و سکون کے ساتھ چھا جائے۔

مَا وَدَّعَكَ رَبُّكَ وَمَا قَلَىٰ ٣

(اے رسول(ص)) نہ آپ کے پروردگار نے آپ کو چھوڑا ہے اور نہ وہ ناراض ہوا ہے۔

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ ٤

یقیناً آپ کے لئے انجام (اور بعد کا دور) آغاز (پہلے دور) سے بہتر ہے۔

وَلَسَوۡفَ يُعۡطِيكَ رَبُّكَ فَتَرۡضَىٰٓ ٥

اورعنقریب آپ(ص) کا پروردگار آپ(ص) کو اتنا عطا کرے گا کہ آپ(ص) خوش ہو جائینگے۔

أَلَمۡ يَجِدۡكَ يَتِيمٗا فَـَٔاوَىٰ ٦

کیا خدانے آپ(ص) کو یتیم نہیں پایا؟ تو پناہ کی جگہ دی؟

وَوَجَدَكَ ضَآلّٗا فَهَدَىٰ ٧

اور آپ(ص) کو گمنام پایا تو (لوگوں کو آپ(ص) کی طرف) راہنمائی کی۔

وَوَجَدَكَ عَآئِلٗا فَأَغۡنَىٰ ٨

اور اللہ تعالیٰ نے آپ(ص) کونادار پایا سو مالدار بنا دیا۔

فَأَمَّا ٱلۡيَتِيمَ فَلَا تَقۡهَرۡ ٩

پس یتیم پر سختی نہ کیجئے۔

وَأَمَّا ٱلسَّآئِلَ فَلَا تَنۡهَرۡ ١٠

اور سائل کو نہ جھڑکئے۔

وَأَمَّا بِنِعۡمَةِ رَبِّكَ فَحَدِّثۡ ١١

اور اپنے پروردگار کی نعمت کا اظہار کیجئے۔