سورۂ العَلَقِ

ٱقۡرَأۡ بِٱسۡمِ رَبِّكَ ٱلَّذِي خَلَقَ ١

(اے رسول(ص)) اپنے پروردگار کے نام سے پڑھیے جس نے (سب کائنات کو) پیدا کیا۔

خَلَقَ ٱلۡإِنسَٰنَ مِنۡ عَلَقٍ ٢

(بالخصوص) انسان کو جمے ہوئے خون کے ایک لوتھڑے سے پیدا کیا۔

ٱقۡرَأۡ وَرَبُّكَ ٱلۡأَكۡرَمُ ٣

پڑھئیے! اور آپ کا پروردگار بڑا کریم ہے۔

ٱلَّذِي عَلَّمَ بِٱلۡقَلَمِ ٤

جس نے قَلم کے ذریعہ سے علم سکھایا۔

عَلَّمَ ٱلۡإِنسَٰنَ مَا لَمۡ يَعۡلَمۡ ٥

اور انسان کو وہ کچھ پڑھایا جو وہ نہیں جانتا تھا۔

كـَلَّآ إِنَّ ٱلۡإِنسَٰنَ لَيَطۡغَىٰٓ ٦

ہرگز نہیں! انسان (اس وقت) سرکشی کرنے لگتا ہے۔

أَن رَّءَاهُ ٱسۡتَغۡنَىٰٓ ٧

جب وہ سمجھتا ہے کہ وہ (غنی) بےنیاز ہے۔

إِنَّ إِلَىٰ رَبِّكَ ٱلرُّجۡعَىٰٓ ٨

بےشک آپ(ص) کے پروردگار کی طرف ہی (سب کی) بازگشت ہے۔

أَرَءَيۡتَ ٱلَّذِي يَنۡهَىٰ ٩

کیا آپ(ص) نے اس شخص کو دیکھا ہے جو منع کرتا ہے۔

عَبۡدًا إِذَا صَلَّىٰٓ ١٠

ایک بندہ (خاص) کو جب وہ نماز پڑھتا ہے۔

أَرَءَيۡتَ إِن كَانَ عَلَى ٱلۡهُدَىٰٓ ١١

بھلا دیکھئے تو! اگر وہ (بندۂ خاص) ہدایت پر ہے؟

أَوۡ أَمَرَ بِٱلتَّقۡوَىٰٓ ١٢

یا وہ پرہیزگاری کا حکم دیتا ہے؟

أَرَءَيۡتَ إِن كَذَّبَ وَتَوَلَّىٰٓ ١٣

کیا آپ نے غور کیا ہے کہ اگر یہ شخص (حق کو) جھٹلاتا ہے اور (اس سے) رُوگردانی کرتا ہے توانجام کیا ہوگا؟

أَلَمۡ يَعۡلَم بِأَنَّ ٱللَّهَ يَرَىٰ ١٤

کیا وہ نہیں جانتا کہ اللہ (سب کچھ) دیکھ رہا ہے؟

كـَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ ١٥

ہرگز نہیں اگر وہ (اس سے) باز نہ آیا تو ہم اس کی پیشانی کے بال پکڑ کر کھینچیں گے۔

نَاصِيَةٖ كَٰذِبَةٍ خَاطِئَةٖ ١٦

وہ پیشانی جو جھوٹی ہے اور گنہگار؟

فَلۡيَدۡعُ نَادِيَهُۥ ١٧

پس وہ بلائے اپنے ہم نشینوں کو۔

سَنَدۡعُ ٱلزَّبَانِيَةَ ١٨

ہم بھی دوزخ کے ہرکاروں (فرشتوں) کو بلائیں گے۔

كـَلَّا لَا تُطِعۡهُ وَٱسۡجُدۡۤ وَٱقۡتَرِب۩ ١٩

ہرگز نہیں! اس کی بات نہ مانیے اورسجدہ کیجئے اور (اپنے پروردگار کا) قرب حاصل کیجئے۔