سورۂ العَادِيَاتِ

وَٱلۡعَٰدِيَٰتِ ضَبۡحٗا ١

قَسم ہے ان گھوڑوں کی جو پھنکارے مارتے ہوئے دوڑتے ہیں۔

فَٱلۡمُورِيَٰتِ قَدۡحٗا ٢

پھر اپنی ٹاپوں کی ٹھوکر سے (پتھر سے) چنگاریاں نکا لتے ہیں۔

فَٱلۡمُغِيرَٰتِ صُبۡحٗا ٣

پھر صبح کے وقت (اچانک) چھاپہ مارتے ہیں۔

فَأَثَرۡنَ بِهِۦ نَقۡعٗا ٤

تو اس طرح گَرد و غبار اڑاتے ہیں۔

فَوَسَطۡنَ بِهِۦ جَمۡعًا ٥

پھر اسی حالت میں (دشمن کی) جماعت (لشکر) میں گھس جاتے ہیں۔

إِنَّ ٱلۡإِنسَٰنَ لِرَبِّهِۦ لَكَنُودٞ ٦

بےشک انسان اپنے پروردگار کا بڑا ناشکرا ہے۔

وَإِنَّهُۥ عَلَىٰ ذَٰلِكَ لَشَهِيدٞ ٧

اور وہ خود اس پر گواہ ہے۔

وَإِنَّهُۥ لِحُبِّ ٱلۡخَيۡرِ لَشَدِيدٌ ٨

اور وہ مال و دولت کی محبت میں بڑا سخت (گرفتار) ہے۔

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ ٩

کیا وہ اس وقت کو نہیں جانتا جب قبروں سے نکال لیا جائے گا جو کچھ ان میں (دفن) ہے۔

وَحُصِّلَ مَا فِي ٱلصُّدُورِ ١٠

اور جو کچھ سینوں میں (چھپا ہوا) ہے وہ ظاہر کر دیا جائے گا۔

إِنَّ رَبَّهُم بِهِمۡ يَوۡمَئِذٖ لَّخَبِيرُۢ ١١

اس دن ان کا پروردگار ان کے حالات سے بڑا باخبر ہوگا۔